OSOS عضو نشيط
عدد الرسائل : 206 العمر : 35 العمل/الترفيه : KiNg Of DrIfT المزاج : I Love Speed المهنة : 0 تاريخ التسجيل : 11/10/2008
| موضوع: ((هو ده الواد اللى البنات تحبه)) الأحد نوفمبر 30, 2008 4:07 am | |
| نصائح للولاد لزوم تظبيط البنات أولا : البنت بتحب الولد التقيل خلى دمك تقيل عليها سوق الرخامه عليها سوق التلامه والغلاسه ولو ما بتعرفش تسوق طلع رخصه..... مطلعتش....اضرب رخصه ثانيا : البنت بتحب الولد الغنى اسرق .... انهب ..... اعمل اى حاجه عشان يبقى عندك فلوس فلوس كتير... كتير اوى اوى اوى كمان مره .. مش ضرورى حلال يستحب انها تكون كمان حرام عشان تحس ان انت كريم عبد العزيز فى حرميه كيجى2 ولو ما عندكش فلوس .......وفاشل ارسم عليها انك غنى اشتغلها.. هو انت يعنى لاقى شغل يا فاشل اشتغلها
واعملها شغلانتك. ثالثا : البنت بتحب الولد الى ماتفهموش خليك متخلف فى اسلوبك وطريقتك معاها خليك اهبل فى كلامك ماتديهاش كلمه مفيده ابدا تفهمها منك وان فهمت كلمه منك ارجع قولها عكسها خليها تتهبل ولا تفهمش حاجه خالص رابعا : البنت بتحب الولد الكداب افتح عليها علب احكيلها عن رحلاتك للمريخ وغزواتك وفتوحاتك كلمها عن اختراعك للبنسلين وعن قدراتك الخارقه على الطيران وقرايه افكار الناس وانك بتعرف كل حاجه فى الدنيا واهم حاجه انك بتعرف هى بتروح فين كل يوم وبتخرج تهبب ايه وتقابل مين. خامسا :البنت بتحب الولد الحبوب المحبوب استخف نفسك وخليك كده فريش طول الوقت وغلس على كل خلق الله وهزر فى اى وقت وبداعى ومن غير حسسها ان كل الناس بتحبك تهزر معاهم. سادسا : البنت بتحب الولد الى مش راجل خليك ناعم كده وبسكوته وحساس اوى خالص جدا موت عالاخر ياى حس شويه
سابعا :البنت بتحب الولد الى يفهمها انها احلى بنت اوصفلها فى جمالها واحكيلها قد ايه هى فاتنه وحلاوتها مدوباك ومسهراك يا حبه عين امك وان هى الوحيده فى العالم الى حلوه وهى بس الى يتبصلها لان البنت لازم تحس انها احلى واحده لان ماعندهاش عقل يفهم ان ربنا فضل الناس على بعض فى خلقها واشكالها. ثامنا : البنت تموت فى الولد الى شكله معتوه البس لبس غبى ....لازم تسقط البنطلون البس تيشيرتات مرسوم عليها فران وكلاب وحمير البس جزم حمرا وكوتشات خضرا وخليك بلياتشو حاول تغير فى اسلوب لبسك البس هدومك بالمقلوب وبرضه ما تنساش تسقط البنطلون طول شعرك ونزله على عنيك ولو شعرك اكرت طوله برضه واحلق خط بعرض 3سم فى نص راسك بالطول لو عمر دياب مره حلق حواجبه اوع تتردد اديها حواجب قرعه علطول. تاسعا : البنت بتحب الولد التافه اتكلم ع التمثيليات وبرامج التليفزيون والاغانى الجديده والفيديو كليبات و والمطربات والمطربين وخد بالك من النقطه الجايه دى بقى اقنعها ان انت صوتك حلو وبتغنى وقريب هيكتشفو موهبتك وهيخلوك تغنى فى برنامج مواقف وطرائف الحيوانات عاشرا : البنت تحب الولد الى بيحب غيرها. عمرك سمعت عن بنت حبت واحد بيحبها لاء طيب خد النصيحه دى.. اهم نصيحه وسر نجاح اى علاقه باى بنت البنت ماتحبش اى واحد يحبها.. وتحب اى واحد تكون هى ولا على باله ..طنشها واركنها ولا تحسسها انها بنى ادمه واهم حاجه الكلام الى فات ده كله شرط انك تعمله مع اكتر من بنت ويستحب يكونو خمس بنات او من مضاعفات العدد خمسه لان ده الرقم الى بيمنع الحسد والنقص فى النسوان . اوع تكون هى الوحيده فى حياتك ولو مش لاقى بنات تانيه غيرها اتصرف... صاحب اى شغاله ولا اى بياعه خضار ولا اى شحاته ((نوع كده وخليك واد كووووووول)) النتيـــــــــــجــة هتعلق نص بنات الدنيا والنص التانى هيعلقو واحد تانى قرا نفس الموضوع ولو أنت و هو اتفقتو سوا ممكن تبقو تبادلومع بعض النص بتاعك والنص بتاعه لو كل واحد اتخنق من النص بتاعه طبعا هتسأل وباقى شبان الدنيا يابنى دول خلاص ندهتهم النداهه كلهم كمنشات ومعظمهم مضحوك عليه وعايش فى وهم معيشاه فيه بنت | |
|
NOAA عضو ممتاز
عدد الرسائل : 432 المهنة : 0 تاريخ التسجيل : 28/09/2008
| موضوع: رد: ((هو ده الواد اللى البنات تحبه)) الثلاثاء ديسمبر 02, 2008 10:55 am | |
| هههههههههههههههههههه افكار جامدة اوى يا اس اس بس ريح نفسك هما سمعوا الكلام من حد تانى ونفذوه ع طول من غير ولا كلمه عيشوا البنات فى وهم الحب الاسطورى فلوس ع طول وهما اصلا مستلفينها هدوم عجيبه واشتروها ولبسوها كمان وشعر فى جل وواقف بطريقه مستفزة وحاجات تانيه كتييييييييييييييييييييييير تسلم اس اس | |
|
ma_vie Admin
عدد الرسائل : 1527 العمر : 32 العمل/الترفيه : جامعية المزاج : نص ونص المهنة : 0 رقم العضوية : 1 احترامك لقوانين المنتدى : تاريخ التسجيل : 08/09/2008
| موضوع: رد: ((هو ده الواد اللى البنات تحبه)) الثلاثاء ديسمبر 02, 2008 11:14 am | |
| هههههههههه لذيذ الموضوع بس البنات كلها تقريبا عارفة الطرق دى فمهما اى حد يعمل اى حاجة من دى مفقوووووووووووووووووووس ههههههههه تسلم ايدك شكرا ليك عل الموضوع الهاااااااااااااااااااااااااااااااااااايل | |
|
مدحت العدل عضو سوبر
عدد الرسائل : 768 العمر : 36 العمل/الترفيه : مصررررررررى المهنة : 0 تاريخ التسجيل : 03/10/2008
| موضوع: رد: ((هو ده الواد اللى البنات تحبه)) الثلاثاء ديسمبر 02, 2008 2:20 pm | |
| ههههههههههههههههههههه قشطه يا اوس اوس ايه الحلاووووه دى بجد تحفه | |
|