OSOS عضو نشيط
عدد الرسائل : 206 العمر : 35 العمل/الترفيه : KiNg Of DrIfT المزاج : I Love Speed المهنة : 0 تاريخ التسجيل : 11/10/2008
| موضوع: البت سابتك وحبت واحد غيرك .تعالى نولع فيها.. الخميس نوفمبر 27, 2008 4:52 pm | |
| مساء الهنا على كل الشباب و البنات بص بقى ياعباس مين عباس داه؟؟؟ انا يعنى عارف ان اسمك مش عباس بس انا لسه هنادى كل واحد باسمه خليك معايا واقرا وخلاص بص ياعباس احنا بقالنا قد ايه مع بعض؟؟؟؟؟ بقالنا 3 سنين ياحبيبتى طب يعنى مزهقتش منى انا عمرى مازهق منك ياعمرى طب انا من الاخر زهقت منك يا اخى اوف ايه داه دانت خنيق قوى ماتحل عن سمايا بقى خلينى اشوف نفسى وبصراحه فيه واحد تانى بيشاغلنى وبدا فعلا يشغل عقلى واحد تانى ؟؟؟؟ ازاى ؟؟؟؟ ومين هو داه؟؟ ياااااااااه هنت عليكى وهان عليكى حب السنين دى كلها؟؟؟؟ بصراحه اه بقى هنت عليا ويلا بقى ياعم اخلع وسلملى على الحب ــــــــــــــــــــــــــــــــــــــــــــــــــ ـــــــــــــــــ حد حصل معاه كدا قبل كدا ؟؟؟حتى لو مش بالظبط يعنى ؟؟يعنى اقصد حد البنت اللى بيحبها اداته الاشاره الخضرا وفلسعته عادى ياعمنا مافيهاش حاجه بتحصل بين احسن الحبيبه...بتبقى انت قاعد فى امان الله لابيك ولا عليك وتيجى الاموره قايلالك وداع ياعمرى مستغرب ليه انت يعنى كنت فاكر نفسك هانى سلامه والا مصطفى شعبان حتى دول ممكن يحصل معاهم كدا غدر الستات مالهشى حسابات ماتخلينا نقصر وتريحنى وتقول حصل خلينا نكمل ايوووووووون برافو عليك انت كدا زى العثل بص بقى ياسيدى لتر جاز وعلبه كبريت لتر الجاز هاتجيبه من عند البقال عادى سهل تجيبه ان مالقتشى روح البنزينه مش هايكلفك حاجه هو نص جنيه كبيره خالص 75 قرش وعلبه كبريت بشلن من اى مكان دى بقى ياباشا كل المعدات الازمه حاجه كدا كبيرها جنيه الخطوات لتر الجاز اقسمه على اتنين جركن عاليمين فيه نص لتر وجركن على الشمال فيه النص التانى حلو كدا؟؟؟؟؟؟ والكبريت فى جيبك طبعا انت كدا جاهز ؟؟؟ اوك يلا بقى نبدا خد اللتر الاولانى فى ايدك وانزل والتانى بارضه مش هايبقو تقال عليك ماتخافش وروح على بيت الاموره اللى عورتك فى قلبك اقف على باب البيت موبايلك فى جيبك زى العاده رنلها بقى يامعلم رنه صغيره واوعى تخليها تفتح عليك لو نفضتلك وماتصلتش هيا بيك ابعتلها كول مى اوعى تغرم نفسك حاجه نفضتلك برضه ومكلمتكش معلش تعالى على نفسك وارميلها دقيقه مع انه خساره فى جتتها كلمها وقلها عايز اشوفك لاخر مره فى حياتى هاديكى حاجه غاليه كنتى ناسياها عندى هاتنزلك جرى طالما حاجه غاليه تيجى سيادتك اول ماتشوفها رامى عليها الجاز وعود كبريت من العلبه ومولع فيها وتسيبها وتمشى خطوتين وتيجى باصصلها وهيا بتولع وبنظره المنتقم وقول انتى اللى جنيتى على نفسك ياحفيظه وما جنيت على احد كدا المهمه الاولى خد بعضك جرى على بيت المحروس اللى خد حبيبتك منك وابعتله عيل صغير من العيال اللى بيلعبو فى الشارع وقله قول لحكشه كلم سمير مين سمير دا ياخويا؟؟؟؟؟؟؟؟؟؟ ياعم افهم بقى حكشه دا الضحيه رقم اتنين وسمير دا اسم سيادتك فى الفيلم ماتتخنش مخك وخليك معايا خلينا نخلث هايجى حكشه نازل جرى تيجى سيادتك بنص اللتر الفاضل ومقابله فى وشه ورميه عليه وبعود الكبريت ومناوله ومولع فيه وتيجى ماشى خطوتين وباصصله وهو بيولع بنظره المنتقم بارضه وقايله سلملى على صحبتك ياحوكشه استنى اهم حاجه الكلام دا كله يبقى بين المغرب والعشا علشان الناس تكون بتتعشى والا بيتفرجو على المسلسلات ومسطولين وماحدش يشوف حاجه وعلشان تلحق تجرى وتوصل لبيتكو من غير ماحد يقفشك هاتوصل بيتكو تلاقى البوليس مستنيك هايخدوك ياحلو وان شاء الله ان شاء الله ان شاء الله من غير مقاطعه هاتاخد اعدام للقتل العمد مع سبق الاصرار والترصد امال انت كنت فاكر ايه ايه يابنى الهبل داه؟؟؟؟؟ ايه السذاجه دى عايز تحبس نفسك؟؟؟؟عايز تودى نفسك فى داهيه علشان واحده ماتستاهلش ياعم اعقل كدا وطول بالك بص ياسيدى الحكايه بسيطه خالص وباتكلم بجد والله ياشباب البنت اللى ساكنه جانبيكو بنت زى القمر وعارفها وعارفاك بلاش البنت اللى جنبكو اى بنت معاك فى الكليه اهى ملاينه بنات زى القمرات نقى بنت تكون حلوه حلوه يعنى غازلها وغلث عليها دايقها اخنقها اوعى تقتلها باين عليك غاوى دم وهاتتعبنى معاك ياعم اخنقها يعنى كرهها فى عيشتها بس مش قوى يعنى حاجه زى لفت نظر بس شويه شويه ياتسيب الكليه خالص علشان ترتاح من رخامه حضرتك ياتطب فيك يامعلم واقلب رومانسى بقى عند الحته دى وانزل بالطبل البلدى والكلام الناعم على ودانها وكلمات اغانى حليم وتامر حسنى وابعد عن شعبولا خلاص يامعلم طبت فيك بالهنا والشفا وادعى لاخوك الغلبان وهاتنسى اللى باعتك من غير هم ولا وجع قلب ماهو مابينسيش الحب القديم غير حب جديد دى وصفه مجربه واراهنك ان فكرت او حنيت للحب القديم تانى ولو حصل وعملت معاك زى القديمه ماعملت ولا تزعل نفسك عااااااااادى خالص حب تالت ورابع وخامس لغايه اما ربنا يفرجها عليك وتتجوز واديك عرفت السكه وانسى جرحك وماتزعلش عاللى فات وعلى رائى حليم دا اللى خانك خان شباب الحب خانه وجار عليه وجار عليه وهيا الخسرانه فى النهايه
عدل سابقا من قبل OSOS في الأحد نوفمبر 30, 2008 3:27 am عدل 1 مرات | |
|
NOAA عضو ممتاز
عدد الرسائل : 432 المهنة : 0 تاريخ التسجيل : 28/09/2008
| موضوع: رد: البت سابتك وحبت واحد غيرك .تعالى نولع فيها.. السبت نوفمبر 29, 2008 4:01 am | |
| ههههههههههههههههههههههههههههههه فكرة جامده اوى عشان تصحى الصبح تلاقى بنات مصر متولع فيها والشباب كمان وان فضل حد هيعدموا عشان قتل عمد هههههههههههههههههههههههههههههههههههههههههههههههههه لذيذ اوى الموضوع يا اس اس | |
|
ma_vie Admin
عدد الرسائل : 1527 العمر : 32 العمل/الترفيه : جامعية المزاج : نص ونص المهنة : 0 رقم العضوية : 1 احترامك لقوانين المنتدى : تاريخ التسجيل : 08/09/2008
| موضوع: رد: البت سابتك وحبت واحد غيرك .تعالى نولع فيها.. السبت نوفمبر 29, 2008 4:06 am | |
| هههههههههههههههههههههههههههه مضحك جداااااااااااااااااا شكرا اس اس | |
|
OSOS عضو نشيط
عدد الرسائل : 206 العمر : 35 العمل/الترفيه : KiNg Of DrIfT المزاج : I Love Speed المهنة : 0 تاريخ التسجيل : 11/10/2008
| موضوع: رد: البت سابتك وحبت واحد غيرك .تعالى نولع فيها.. الأحد نوفمبر 30, 2008 3:28 am | |
| نورتينى يا نونا و ميرسى لردك العثل ده | |
|
OSOS عضو نشيط
عدد الرسائل : 206 العمر : 35 العمل/الترفيه : KiNg Of DrIfT المزاج : I Love Speed المهنة : 0 تاريخ التسجيل : 11/10/2008
| موضوع: رد: البت سابتك وحبت واحد غيرك .تعالى نولع فيها.. الأحد نوفمبر 30, 2008 3:31 am | |
| | |
|
ma_vie Admin
عدد الرسائل : 1527 العمر : 32 العمل/الترفيه : جامعية المزاج : نص ونص المهنة : 0 رقم العضوية : 1 احترامك لقوانين المنتدى : تاريخ التسجيل : 08/09/2008
| موضوع: رد: البت سابتك وحبت واحد غيرك .تعالى نولع فيها.. الجمعة ديسمبر 05, 2008 11:01 am | |
| هههههههههههههه اية مش عاجب سيادتك مرورى ههههههههه | |
|