اصول الرخامة

السلام عليكم ورحمة الله وبركاته

دي حاجه كده عشان لو حبيت تخنق حد
بس راعي الفرق بين حجمك وحجمه(يستحسن يكون فارق الحجم لصالحك)
أنا مش مسئول عن أي خساير في الأرواح
يللا نبتدي

لما تسأل واحد وتقلوا أقول ولا مقولش ..يقلك قول ..قله قول وطعميه .

لما تسأل واحد وتقله صح ولا غلط ..يقلك صح ..قله صح النوم

لما تسأل واحد وتقله الكلام دا حصل ..قالك حصل ..قله حصل وطحينه

لما واحد يقلك انا جيت نورت البيت قله ..لا دا نور الكهربه

لما تسأل واحد وتقله دا احلى ولا دا ..وقالك سيان ..قله سيانى بتوجعنى انا لازم اروح لدكتور السيان

لماتسال واحد ايه رايك فى حاجه ..وقالك جامده ..قله جامده برباط ... و لا جامدة ما بتتكسرش

لما تلاقى واحد لابس شيك كده او عامل حاجه حلوة ..قله ايه الحلاوه ديه مافيش جبنه

لما واحد يقلك انه بيعمل حاجه ومش راضيه تتعمل ..قله ما انت فقر .... اه فقر وقطه

لما واحد يقلك طز فى اي حد .. قله طز بلبن

لما واحد يقلك دا انا مفيش زييي واحنا اللى دهنا الهوا دوكو .. قله احنا اللى عملنا الهوا كروهات ... ولبسنا السمك مايوهات ... وخرمنها لما حبينا نغرقوا

لما تلاقى شب بيستظرف قله : ايه يلا العسل ده مولود ف بالاص ولا امك نحله

لو لقيت حد لابس قميص مكرمش قله ايه القميص الى طالع من بق كلب ده .... ولو لون القميص غريب قله في منه رجالي ده ؟!؟! ساعتها هتلاقي قفاك إحمررررر (أنا قولت راعي فرق الحجم)

لو حد استظرف عليك قال على قميصك مافيش منه رجالى؟ ... قله لا والله ده اخر واحد

لو حبيت تخنق حد قله معاك ولا عه يقولك لا – ولا كبريت .... لا – ولا ظلتين عشان نولع بالشراره ... لا – طب معاك بوتجاز .... لا - ؟؟؟امال بتاكل الأكل نى ولا ايه .....

إلخ إلخ لحد مايضربك

أرجو إن الموضوع يعجبكم

موضوع حلو اوى يا هبة شكرا
بس بقولك
انتى كدة بتتعدى على حقوقى
انا واخدة مواضيع الرخامة دى حصرى
هههههههههههه
شكرا على المجهود

صحيح انتى ليه يا نهله مسالتنيش انا كاتب مشاركه فاضيه ليه ؟

هي فعلا رخمة جدا الحركات دي ومنصحش حد يعملها معايا

مدحت العدل كتب:: صحيح انتى ليه يا نهله مسالتنيش انا كاتب مشاركه فاضيه ليه ؟

هههههههههههههههههههههه قلت انا مالى براحتك
ههههههههههه
كان اية السبب ها
قولى

اكيد كان بيرخم عليينا صح بزمتك يا مدحت ولا لا Wink

هههههههههههههههههههههههههههههههه
لا رخامة ووخدها حدها اوى
انا عن نفسى مش اضمن الاقى نفسى بعدها
يا ما بيصلوا عليا يا اما فى الانعاش
ههههههههههههههههههههههههههههههه
جميلة اوى

برافووووووو عليك صاصا فعلا رخااااااامه
هههههههههههههههههههههههههههههههههههههههههه
فهمتى بقى يا نهله كنت فاكرك هتفهميها

هههههههههههههههههههههه
معلش بقا فهمى على قدى
شكرا للمرور

معلش يا مدحت ما انت عارف دماغ البنات علي قدهم يعني

احم احم
على قدهم مين دول
لا لا لا الا
بس مش بنفهم الطرق لملتوية
ثبتت الابحاث العلمية ان البنات اكتر ذكاء بكتير من الولاد
فى اعتراض؟
اسمع بقا كلمة اعتراض واحدة عشان اطربق المنتدى ههههههههههههههه

منا عاااااااارف يا صاصا بس هما مش عايزين يعترفوووا
وبتقوولك الابحاث ابحاث ايه دى يا اخوووووى منش عارف